అన్ని నొప్పులకూ - అర్జునాంజనము

వాజలైన్ ఒక పౌను,ఫైరాఫిన్ మైనము మూడు ఔన్సులు,మెంతాల్ రెండు ఔన్సులు,కర్పూరము రెండు ఔన్సులు,కాజీపుట్ తైలము రెండు ఔన్సులు,మొరాస్టిక్ తైలము రెండు ఔన్సులు,యూకలిప్టస్ తైలము రెండు ఔన్సులు,ఓమ పువ్వు ఒక ఔన్సు,పిప్పరమెంట్ పువ్వు రెండు ఔన్సులూ తీసుకోవాలి.

ఒక పెద్ద పాత్రలో నీళ్ళు పోసి పొయ్యి మీద పెట్టి నీళ్ళు బాగా మరిగిన తరువాత వేరొక ఖాలీ అల్యూమినియమ్ పాత్రను మరుగుచున్న నీటి పాత్ర మీద పెట్టి దానిలో మైనపు ముక్కలను వేసి,నీటి ఆవిరికి మైనమును కరిగించాలి.తరువాత దానిలో వాజలైన్ కలపాలి.ఆ రెండూ కలిపిన తరువాత ఆ మిశ్రములో కర్పూరమూ,మెంతాల్ పొడి వేసి కలిపి పాత్రను కిందికి దించి మిగిలిన వస్తువులను ఒక్కొక్కటిగా చేర్చి వేడిగా వుండగానే సీసాలో పోసి నిల్వ వుంచుకోవాలి.

దీనిని తల,నుదురు,మెడ,మోకాళ్ళూ,నడుములు ఎక్కడ నొప్పి ఉంటే అక్కడ పూస్తూ వుంటే పూసిన పది నిమిషాలలో నొప్పులు మాయమైపోతాయి.